Retour à un fonctionnement normal pour la CAPA, à la grande satisfaction d'Etienne Ferrandi
(A redazzioni d'Alta Frequenza) - Ùn hè micca una surpresa, nè mancu un scoop : Jean Jacques Ferrara hè statu elettu stamani (marti) presidenti di a Cumunità d'Agglumerazioni di u Paesi Aiaccinu, duranti l'alizzioni rializati à l'uccasioni di a stallazioni di u cunsighju cumunitariu novu. Annant'à i 46 eletti di a CAPA, 40 ani vutatu par ellu, cinqui, membri di l'uppusizioni, ani vutatu biancu, mentri chì una parsona ùn hà micca participatu à u votu. Annant'à i 13 vici presidenti novi eletti, ritruvemi à u primu postu l'anzianu presidenti pruvisoriu di l'istituzioni, Xavier Lacombe, mentri chì u merri di Sarrula Carcupinu, Alexandre Sarrola, sarà u sicondu vici presidenti. U merri d'Alata, Etienne Ferrandi, sarà pà contu soiu u 10imu vici presidenti. D'appressu à ellu, hè impurtanti chì a CAPA ritruvessi infini una manera di viaghjà nurmali, soprattuttu pà ciò chì tocca a prublematica fundali di i marcati publichi, à l'arrestu dipoi l'annulazioni di l'alizzioni municipali è cumunitaria in fin d'annata scorsa.
Steti à senta à Etienne Ferrandi.
Sur le même sujet
