Retour possible du Tour de Corse automobile WRC : la colère gronde
(A redazzioni d'Alta Frequenza) - U Ghjiru di Corsica, WRC par piacè, torna in discussioni à l'assemblea di Corsica. Dopu avè lacatu da cantu a Corsica par via di soldi ch'ella ùn pudia più spenda, u cumitatu d'urganisazioni s'era ghjiratu ramintemula ver di lochi chì prumittiani di più à u nivellu finanziariu, l'Alsazia. Dopu à parechji edizioni di u campiunatu di u mondu di i rallyes in tarra alsaziana, l'autorità di ssa regioni chì eppuru hè assai putenti in tarmini ecunomichi ani dicisu di dì "avà basta". Ùn vali micca u colpu, i soldi impurtanti ch'è no investimu inde ssa prova ùn arrecani micca u bè è i vantaghji ecunomichi aspittati : eccu com'ellu si vedi in cosi in Strasbourg. Vultendu à u listessu puntu cà prima, u cumitatu d'urganisazioni si ritrova ubligatu à vultà ver di una piccula regioni povara ma chì hè sempri assai generosa quand'ellu si tratta d'urganizà evenimenti maiò. Una visioni chì ùn hè micca scumpartuta in Corsica, mancu appena, è chì inghjenna inde l'assemblea di Corsica chì duvarà fà cunnoscia una dicisioni nant'à ssu cartulari riazzioni assai viulenti.
Eccu par asempiu quilla d'Etienne Bastelica, u presidenti di u gruppu Communistes et Citoyens du Front de Gauche.
Sur le même sujet
