Retour sur la convention signée entre la CGPME Corsica et l'AGEFOS PME
(A redazzioni d'Alta Frequenza) - Issu marti, a CGPME Corsica è l'AGEFOS PME ani firmatu una cunvenzioni di partenariatu pà rializà una strategia cumuna à u serviziu di l'intrapresi corsi. Un'iniziativa ind'u stessu spiritu cà quillu di una cunvenzioni firmata à u nivellu naziunali in u 2003 nant'à l'intarvinzioni ecunomica ind'i tarritorii. Quattru scopi sò stati difiniti inde issa cunvenzioni. U primu sarà d'anticipà i partenzi à a ritirata di i salariati di i PME, pà pudè truvà senza troppu prublemi à u nivellu lucali parsoni chì pudissini culmà issi partenzi, ma dinò d'andà à prò di i ripresi d'intrapresi. Valurizà ciò chì i dui partiti chjamani u capitali umanu, vali à dì l'impiecu drentu à l'intrapresi hè un antru scopu vulsutu da issa cunvenzioni, frà altru grazia à un'arradichera à l'avvena di l'intrapresi criati chì hè pocu. Dopu avè intesu à Jean André Miniconi, presidenti di a CGPME Corsica nant'à issu sughjettu, stemi à senta avà a suddisfazioni di Louis Ducreux, vici presidenti di l'AGEFOS PME, raprisintanti di i salariati inde issa struttura è secretariu dipartimintali CFDT pà a Corsica Suprana.
Ecoutez-le.
Sur le même sujet
