Retour sur la rentrée sociale du STC
(A redazzioni d’Alta Frequenza) - U STC hà fattu calchì ghjornu fà in Aiacciu a so riintrata suciali. Temi numarosi sò stati ammintati durani quissa quì, com’è a situazioni ecunomica assai difficiuli di a Corsica, cù una crescita fori di u numaru di parsoni chì dumandani un impiecu in dui anni, una staghjoni turistica di sottu di pettu à i risultati bramati. U sindicatu naziunalistu hà insistutu particularmenti nant’à una di i so rivindicazioni di sempri, a cursisazioni di l’impiechi, è a prublematica piuttostu nova di l’intrapresi isulani chì pighjani travaghjadori di i paesi di u Livanti di l’Auropa. Un’azzioni sicura sicondu u STC pà certi attività maiò pà a manu d’opara, i misuri allarghendu u numaru d’impiechi in tinsioni fendu crescia ancu di più ssa manera d’impiecà. Dinunzia un veru dumping suciali, apprufittendu solu à una minurità, certi impiecanti ghjuvendu si di ssu dispusitivu pà tirà ni u più prufittu pussibuli à parechji nivelli. Una situazioni chì ùn pò micca essa accittata pà Jean Brignole, di veda ssu prublema più largu di a cursisazioni di l’impiechi ancu presu in contu à u pianu puliticu, quandu si sà chì investimenti impurtanti sò stati rializati à prò di a furmazioni di a ghjuventù corsa.
Ecoutez Jean Brignole, pour le STC.
Sur le même sujet
