Retour sur le débat économique de Femu a Corsica à Bastia
(A redazzioni d'Alta Frequenza) - Ssu marcuri, più di centu parsoni ani participatu à u dibattitu purtatu da Femu a Corsica annant'à i prublematichi ecunomichi. Dopu à trè sposti di Charles Vellutini, Alex Vinciguerra è di Marc Simeoni, i spettatori di ssu dibattitu è eletti com'è Ghjuvan Cristofanu Angelini, François Alfonsi o Ghjuvan Filici Acquaviva ani fattu cunnoscia u so parè annant'à a forma attuali di l'ecunumia corsa, chì devi d'appressu à tuttu u mondu invintassi torna pà pudè truvà un soffiu novu. Truvà novi mezi di parfurmenza, aiutà l'innuvazioni aldilà di simplici investimenti, mubilizà mezi finanziari à prò di un sistema d'ubligazioni corsi pà pudè aiutà a criazioni d'intrapresi, riveda a pulitica di i trasporti marittimi, eccu calchì pussibilità ammintati par asempiu pà fà rinviviscia l'ecunumia corsa.
Steti à senta à Ghjuvan Cristofanu Agelini, chì metti l'inghjocu ecunomicu à un postu assai impurtanti pà l'avvena.
