Retour sur les Rencontres Régionales Territoires Villes et Villages Internet à Ajaccio
(A redazzioni d'Alta Frequenza) - I raprisintanti di sfarenti cumuni, intercumunalità o cullittività lucali di Corsica erani aduniti ssu ghjovi in u Palazzu di i Cungressi d'Aiacciu pà i Scontri Regiunali Tarritorii Cità è Paesi Internet. Un evenimentu prupostu da a Cumunità d'Agglumerazioni di u Paesi Aiaccinu è l'associu Villes Internet, chì avia com'è scopu di prumova u sviluppu di i servizi publichi numerichi. Attori di fora, com'è cumuni o intercumunalità di u cuntinenti, sò ghjunti dinò pà sparta i so sparienzi. S'hè incalcatu assai annant'à l'usadori, chì t'hà a pussibilità par asempiu, annant'à u tarritoriu di a CAPA, d'avè accessu à appiecazioni pà telefunini o touchpad, è di scopra parechji parcorsi culturali o di cunnoscia in tempu riali i cundizioni di circulazioni annant'à u so tarritoriu. Villes Internet, un associu d'eletti tematicu annant'à i quistioni numerichi, era prisenti dunqua pà metta in avanti a so ambizioni di fà di l'internet è di u numericu un mutori di citadinanza attiva è di migliurazioni di u serviziu publicu resu à a pupulazioni.
Steti à senta à Félix Raymond Colonna Cesari, unu di i so rispunsevuli.
Sur le même sujet
