Retraités de Corse : l'épine des transports
(A redazzioni d'Alta Frequenza) - 187 millioni d'auri ! Si tratta di u nivellu di a cuntinuità tarrituriali chì ùn movi più. L'Uffiziu di i Trasporti voli ramintà ssu sciffru essenziali fendu sapè ch'ellu ci vularà à sbrugliassi cù què. U ramentu di ssu sciffru simplici intarveni in u dibattitu trà l'associ di ritirati di Corsica è l'istanzi pulitichi dirighjenti. Un'indennità cumpensatoria ind'i trasporti, tutti i trasporti, hè pussibuli, ma si farà solu dopu una valutazioni assai fina di a situazioni par ùn cunnoscia certi svianzi. Hè u parè di Ghjuvan Filici Acquaviva, chì hà vulsutu ramintà tuttu u periculu di un aiutu suciali in materia di trasporti. Hà avutu, dici, cunsiquenzi pessimi nant'à i conti di l'OTC è ùn ci vularia micca à cunnoscia torna prublemi simuli. Comu fà pà cambià a situazioni ?
Eccu a risposta di u presidenti di l'Uffiziu di i Trasporti di a Corsica.
Sur le même sujet
