Réunion avec Henri Malosse : l'œil de Gilles Simeoni
(A redazzioni d'Alta Frequenza) - Ssu ghjovi, u merri di Bastia, Gilles Simeoni, cù parechji intraprenadori, hà ricivutu u presidenti di u Cunsighju Ecunomicu è Suciali Aurupeu Henri Malosse. À u centru di i discussioni, i pussibilità pà l'intrapresi corsi di sviluppà si ind'u quadru assai strettu di i reguli aurupei. Henri Malosse, chì t'hà urighjini corsi, hà dittu di fattu chì reguli aurupei numarosi impidiscini u spannamentu di l'intrapresi, ancu in Corsica. Par ellu, c'hè malgradu tuttu una nota pusitiva, u dinamisimu di l'intraprenadori duranti ssa riunioni, ma dinò ind'a so attività di manera più glubali. Gilles Simeoni hè cuntentu pà contu soiu, cunsidarendu dinò chì ssa riunioni hè a prima petra di rilazioni più stretti cù l’Auropa, è si tratta dunqua dinò di rilazioni più pruduttivi.
Steti à senta à Gilles Simeoni.
Sur le même sujet
