Réunion de prévention en cas de nouveau conflit dans les transports maritimes
(A redazzioni d'Alta Frequenza) - Privena u risicu pussibuli di un'interruzzioni o di disturbu di a cuntinuità tarrituriali trà a Corsica è u cuntinenti ! Era l'ughjettu di a riunioni urganizata ssu vennari da mani in prifittura di Corsica in Aiacciu, diretta da u prifettu. Erani aduniti inghjiru à a listessa tola socioprufiziunali isulani numarosi, certi erani d'altrondi in leia da a prifittura di Corsica Suprana in Bastia in visiocunfarenza cù i so culleghi aiaccini, ma dinò raprisintanti di u Statu è di a Cullittività Tarrituriali di Corsica. Dopu a greva à a SNCM di l'istati scorsu, cù cunsiquenzi propiu pessimi pà l'ecunumia corsa, è di pettu à a situazioni attuali difficiuli pà ssa listessa cumpagnia marittima cù l'evenimenti ghjuridichi ch'è no cunniscimi, Christophe Mirmand vulia ramintà u dispusitivu dighjà prisintatu annu, da u Prima ministru par asempiu. Pà ciò chì tocca i misuri, si trattaria frà altru, in casu di blucchimi di u portu di Marseghja, d'acquistà un puntoni à gallu in Tulò pà pudè assicurà travirsati cù l'isula, o ancu a securisazioni di i porti d'Aiacciu è di Bastia, torna s'ellu c'hè un blucchimi. Altru ramentu impurtanti, annant'à chì u prifettu di Corsica hà incalcatu assai : u Statu ferma à fiancu à l'attori ecunomichi di l'isula.
Steti à senta à Christophe Mirmand.
Sur le même sujet
