Reunion des élus à Paris : Les choses avancent prudemment pour Paul Giacobbi
(A redazzioni d'Alta Frequenza) - Manuel Valls, ministru di l'Internu, è Marylise Lebranchu, ministra di a riforma di u Statu, di a dicintralisazioni è di a funzioni publica ani scuntratu stamani (vennari) una dilegazioni d'eletti corsi, cumposta da u Presidenti di a Cullettività Tarrituriali di Corsica, u Presidenti di l'Assemblea Tarrituriali, i parlementarii corsi, i raprisintanti di gruppu di a CTC, i presidenti di i Cunsighji Ghjinirali di i dui dipartimenti è i merri d'Aiacciu è di Bastia. Ind'un cumunicatu, i ministri facini sapè chì "pà ciò chì tocca a perspettiva di un cambiamentu di a Custituzioni, ani sceltu d'apra a discussioni cù l'eletti, invitendu li à pricisà i so pruposti è à ricircà i pussibilità di un'adunita pussibuli". Cuncirnendu i pruceduri d'adattazioni di a legislazioni à a Corsica, i ministri ani asaminatu cù primura u raportu di Pierre Chaubon è si sò ditti aparti à una migliurazioni di u dispusitivu. Infini, i ministri ani fattu sapè chì "u Guvernu era dispunibuli pà travaghjà cun elli nant'à i pruposti di mudificazioni legislativi è rigulamentarii" è prupostu ssu calendariu quì : principiu 2014, missu in piazza di un gruppu di travaghju cù nentru raprisintanti di u Statu è di a CTC pà asaminà i pruposti d'adattazioni trasmissi da a CTC è firmati senza risposta ma ancu i dumandi di mudificazioni legislativi è rigulamentarii pruposti; aprili di u 2014, Marylise Lebranchu ghjunghjarà in Corsica pà fà u puntu nant'à i travaghji di u cumitatu strategicu; dopu à l'istati di u 2014, i ministri ricivarani torna una volta l'eletti corsi nant'à a basa di u raportu di u cumitatu strategicu chì devi essa resu à u Guvernu pà l'istati di u 2014. Prima riazzioni di Paul Giacobbi. Pà u Presidenti di l'Esecutivu, l'affari avanzani cù prudenza.
Steti à senta à Paul Giacobbi.
Sur le même sujet
