Réunion des élus corses au ministère de l'Intérieur : le travail de conviction continue
(A redazzioni d'Alta Frequenza) - Riunioni nova ssu marcuri pà l'eletti di a Corsica piazza Beauvau in Parighji, ind'u quadru di u ciculu di discussioni è di travaghju inghjiru à u prughjettu di riforma custituziunali. S'hè parlatu soprattuttu duranti st'appuntamentu assai tennicu di fiscalità è di fundariu cù, inghjiru à a tola, parechij alti funziunari di sfarenti cabinetti è ministeri. Micca risposti fermi è pusitivi par avà nant'à u latu fiscali, aspittendu un scontru novu, stavolta in Aiacciu cù a ministra Jacqueline Gourault, sarà marti chì veni. L'eletti di a maghjurità tarrituriali ani vulsutu dimustrà soprattuttu a nicissità di veda sbuccà ssa riforma custituziunali, grazia à a redazzioni d'un articulu specificu, inde u spiritu di u famosu articulu 74, cù un'abilitazioni pirmanenti data à l'Assemblea di Corsica è micca un dispusitivu casu à casu.
Steti à senta à Ghjuvan Cristofanu Angelini, cunsighjeru esecutivu è presidenti di l'ADEC.
Sur le même sujet
