Rififi chez les Verts !
(A redazzioni d'Alta Frequenza) - Rififi chez les Verts ! Ùn hè micca u titulu di un novu episodiu chì lancia in Parighji marosuli verdi novi contr'à a citadella rosula è appena sciappata di u puteri sucialistu, ma bè quillu di una storia corsa. Ùn si sà micca, trà l'anziani è i muderni quali sò i più verdi, i più in zerga, in tutti i casi i primi mandani un missaghju di scuntentezza forti à i sicondi pà ciò chì cuncerna l'ultimi sviluppi di l'attualità. Senza vulè dì torna chì u varmu hè oramai ind'u fruttu, ùn si pò micca dì chì l'ambienti hè strasurdinariu ind'è l'anziani Verdi Corsi, oramai Europe Ecologie les Verts. L'anziani, certi diciarani i storichi, Monique Alfonsi, Jean Graziani, Francine Tramoni, Denis Fauconnier, frà altri, sò assai in collera contr'à a nova direzzioni presa da Julia Sanguinetti è soprattuttu dopu à a leia tessuta trà quissa quì è François Tatti. Dinunziani prublemi demucratichi è cundannani a rumpitura cù i fundamentali di u muvimentu. Norbert Laredo faci parti di ssi "storichi".
Ecoutez-le.
Sur le même sujet
