Risque neige en Corse
(A redazzioni d'Alta Frequenza) - Météo France annunzia chì i cundizioni meteurulogichi (acqua è nivati) è chì hà da tuccà a Corsica impighjurisciarani, à partasi di a fin di issu dopu meziornu (marti) è stanotti. Altezzi pà a nevi sò aspittati : calchì centrimetru trà 200 è 500 m d'altitudina, 3 à 8 cm trà 500 è 900 m, 7 à 15 cm da sopra à 900 m. Da nutà chì acquati cù timpurali ci pudariani essa. A più grandi prudenza hè dunqua racumandata nant'à l'insemi di a reta stradali. I risichi d'accidenti sò più forti di pettu à issu cambiamentu meteurulogicu. Meghju à cunsultà dunqua u PC Nevi di a CTC nanzi di pinsà à qualsiasi spiazzamentu (0495461712), ma d'avè dinò arnesi spiciali. Da nutà chì in Corsica Suprana, u ventu da Punenti à Meziornu Punenti s'hà da rinfurzà cù buffulati pudendu andà fin'è 100 chilometri à l'ora. U mari hà da divintà forti à assai forti cù marosuli pudendu trapassà i 3 metri. Torna una volta prudenza !
Sur le même sujet
