Rugby - La venue de l'équipe d'Afrique du Sud à Biguglia comble le public
Pà u sicondu addistramentu in Biguglia di i Springboks, in campioni di u mondu di rugby, ci hè statu u mondu bè : hà dittu a Liga Corsa di Rugby ch’iddi ci erani 3 000 parsoni.
Passata a so stunda spurtiva, i ghjucadori, incù monda simplicità, sò stati una meza ora à fà zifri è fotograffii cù chjuchi è maiori.
À mezu à issu mondu, forsa sarà nata calchì vucazioni.
Ma a certi d’issi passiunati, l’anima di u rugby li buddi in u sangu.
Cusì n’hè di François-Joseph, chì ghjoca dipoi i so sei anni à issu sport ch’iddu l’hà fattu scopra Nicolas, u so babbu. I Springboks, d’altrondi, sò a so squadra favurita.
Steti à senta à François-Joseph è à Nicolas.
Dopu à parichji mesa d’appruntera, a cumuna di Biguglia, petra maestra d’issu dispusitivu, hà presu u tempu di prizià issa passioni, segnu ch’iss’ingagiamentu presu cù a Liga Corsa di Rugby t’avia calchì sensu.
Steti à senta à Patrick Gigon, aghjuntu à i sport di a cumuna di Biguglia.