Rythmes scolaires : nouvelle mobilisation de parents d'élèves à Ajaccio
(A redazzioni d'Alta Frequenza) - Guasgi centu parsoni si sò aduniti ssu marcuri da mani davanti a casa cumuna d'Aiacciu à a chjama d'associ di parenti d'elevi com'è l'APC, micca suddisfati da a missa in ballu attuali di a riforma di i ritimi sculari in a Cità impiriali. L'Associu di i Parenti Corsi, a FCPE, ma dinò dui cullittivi di parenti d'elevi eppo puliticanti erani prisenti davanti a merria. I parenti d'elevi dinunziani par asempiu un'assenza d'attività perisculari in certi stabilimenti, u fattu chì c'hè l'ubligazioni di pagà ss'attività quì, o ancu l'accunciamentu novu di l'ori di surtita. Una dilegazioni hè stata ricivuta da u direttori di cabinetu di Laurent Marcangeli è da l'aghjunta à u merri in carica di i quistioni educativi, Rose Marie Ottavy duranti ori longhi. Un appuntamentu novu saria statu dicisu pà a sittimana chì veni. Parenti d'elevi chì sò ditarminati à fà cambià i dicisioni di u merri d'Aiacciu è chì sò trapassati da ss'urganisazioni nova.
Steti à senta à Catherine Cristofari, una tistimunianza di una mamma di famighja.
Sur le même sujet
