Salon de l'Agriculture : le restaurant pédagogique de l'AFPA de Corse, cet acteur incontournable
(A redazzioni d'Alta Frequenza) - U Salonu di l’Agricultura di Parighji s’hè compiu dumenica, porta di Versailles, è quist’annu torna a Corsica hà avutu un successu tremendu, cù i so 92 medagli racolti à l’uccasioni di u cuncorsu generali agriculu. U risturanti pedagogicu di l’AFPA di Corsica, ch’ellu ùn c’hè più bisognu à prisintà, hà vistu passà dinò ellu assai mondu, cù più di 400 ripasti sirvuti ogni ghjornu duranti tuttu u salonu. Un travaghju à prò di i prudutti corsi di qualità è una scumessa sempri riisciuta ogni annu pà l’AFPA. Un stabilimentu chì, aldilà di prumova i prudutti isulani grazia à a gastrunumia, parmetti dinò à staziari corsi numarosi d’avè un sparienza forti chì raprisenta un bon mezu di truvà dopu in furia un travaghju, ancu s’ellu hè solu pà a staghjoni à spessu.
Steti à senta à François Dominique Cipriani, u direttori di l’AFPA di Corsica.
