Salon de l'Agriculture : usurpation d'identité...
(A redazzioni d'Alta Frequenza) - U Salonu di l'Agricultura di Parighji cumpiarà issa dumenicata cù torna una volta un bellissimu successu di i prudutti corsi. Duranti deci ghjorni in fatti, nant'à i 500 m2 di u stand di a Corsica, millai è millai di visitori si sò mossi, è torna i risultati sò in leia cù ciò chì si spirava. Bunissimi risultati dinò pà i medagli, parchì 102 sò stati attribuiti à u rughjoni Corsica, qualsiasi i prudutti. U vinu hè bella sicura u maestru cù 75 medagli frà i quali 29 in oru, ma i prudutti fatti cù u latti cumenciani à truvà a so piazza cù 18 medagli frà i quali 6 in oru. Un affari hè sicuru, i millai di visitori chì ani tastatu i prudutti corsi erani sicuri di ùn micca truvà cavallu inde u figatellu, ma aldilà di iss'uchjata, ci hè un antru affari di sicuru : i prudutti di u rughjoni, paisani, autentichi ani apprufittatu daveru di a crisa di cunfidenza chì si campa oghji inde tuttu u settori agro alimentariu. Ci era nant'à issu Salonu u stand di a Corsica, ma appena di più luntanu, fora di vista, stands di a Keurse, cù un K. Un'uchjata quì dinò ma chì ùn hè micca solu un trattu di risa ; hè ciò ch'ellu pensa Jean Do Musso, u presidenti attuali di a Camara d'agricultura di Corsica Sutttana.
Ecoutez-le.
