Santé : la CFDT maintient ses positions au sujet du coefficient géographique
(A redazzioni d'Alta Frequenza) - I sindicati STC, CGT, SNCH è FO Bastia, ni parlavami arisera (ghjovi) facini sapè torna una volta a so scuntentezza. In fatti, à l’uccasioni di una cunfarenza di stampa tinuta arimani (ghjovi) à l’uspidali di Castellucciu, i sfarenti urganisazioni sò in zerga di pettu à a situazioni di blucchimi attuali di i neguziazioni cù i servizii di u Statu cumpetenti, da schisà i difficultà ind’u settori di a salute in Corsica..L’intersindicali, chì parla d’ingaghjamenti micca rispittati par avà, dumanda un appuntamentu da quì à pocu, da pona i basi di un dialogu assestatu è sicuru ; s’è l’affari ùn sbocca micca, una ripresa di u muvimentu di cunflittu saria pussibuli. Ùn si parla ancu di a ripresa di u cunflittu dittu di l'ARS, ma pari chì a strada purtessi torna una volta ver di issa sorti. Nant'à u stessu sughjettu, a CFDT chì tinia anch'ella una cunfarenza di stampa hè vultata nant'à u mutivu primu di issu grandi cunflittu ind'a saluta : u famosu cuefficienti geugrafficu. A CFDT ùn hà micca cambiatu u so parè nant'à què, ed'hè ciò ch'ellu ci dici Marcel Tavera.
Écoutez-le
