Sauvegarde d'une langue sur le déclin : le très bon exemple du Pays de Galles
(A redazzioni d'Alta Frequenza) - Salvà a lingua corsa, hè pussibuli ! A prova si n'hè chì, in altrò, inde cundizioni assai vicini di quilli chì ci poni essa ind'è noi, si riesci non solu à fà piantà a calata di una lingua ma dinò à rinviviscia la è ridà li tuttu u so postu ind'a sucità. Era u scopu, è a dimustrazioni ricircata da François Alfonsi, diputatu aurupeu, assuciati à a reta pà a prumuzioni di a diversità linguistica, un urganisimu aurupeu. Duranti trè ghjorni, emi pussutu veda, è tuccà, ciò chì si passa à u Paesi di Galli in materia di salvezza di a lingua. Hè chjara chì, tuttu ùn hè micca listessu in materia di situazioni di a lingua, ma ci si trovani assai sumiglii chì pudarani essa integrati ind'a nostra riflessioni propia nant'à a quistioni linguistica. Cù misuri pulitichi forti è mezi finanziarii in leia cù i scopi chersi, hè pussibuli à volta di sradicà a trafalera di a lingua è di lancià la nant'à a via di a ricunquista.
Synthèse d'une visite très intéressante avec François Alfonsi député européen.
