SCB - RC Lens : la réaction de Bastia 1905
(A redazzioni d'Alta Frequenza) - Ritornu nant'à ciò ch'ellu si pò oramai chjamà l'affari "SCB-Lens". Mentri chì i dirighjenti bastiacci tenini stamani (marti) una cunfarenza di stampa pà rivena nant'à l'uffesi nant'à i quali sò stati vittimi inghjiru à u scontru di sabbatu scorsu, i sustenidori di l'associu Bastia 1905 pighjani anch'elli a parolla. Sicondu à elli, "u cappià nulla di a lega di ballò prufessiunali hè à a so cima dipoi iss'ultimi ori". Sempri nant'à issu cumunicatu, u SCB "ghjova torna una volta di tappettu à l'istanzi naziunali". È di cuntinuà chì "Frédéric Thiriez, s'hè spicciatu di publicà un cumunicatu firmatu à nomu soiu, chjamendu à cundanni siveri contr'à u Sporting". "Comu un omu di dirittu com'è ellu, avucatu d'altrondi di a cumunità d'agglumerazioni bstiaccia, si pò parmetta di metta a colpa nant'à a nostra squadra, bellu nanzi chì un'inchiesta o ancu un ghjudiziu siani fatti da i cumissioni cumpetenti?" s'interrogani i sustenidori, chì dumandani ch'ella piantessi issa diabulisazioni di u Sporting.
Sur le même sujet
