Séminaire de travail avec la CTC et la CCI 2A : les attentes de la Fédération du BTP 2A
(A redazzioni d'Alta Frequenza) - Seminariu di travaghju urganizatu ssu marti da a Cullittività Tarrituriali di Corsica par asempiu pà i socioprufiziunali di u settori di a custruzzioni in Corsica Suttana. Com'è ciò chì s'hè passatu in Bastia calchì simana fà, tuccava à a Federazioni di Corsica Suttana d'essa ricivuta da l'Esecutivu di Corsica. U scopu : spiegà cù ditagli i prughjetti à cortu andà in materia d'investimenti publichi, ma dinò di prisintà a Prugrammazioni Pluriannuali d'Investimenti da u 2017 à u 2024. Un investimentu trà 90 è 100 millioni d'auri à l'annu hè statu annunziatu pà copra i duminii stradali, farratu, purtuariu, aeruportuariu è dinò d'accunciamentu di u patrimoniu custruitu. Ind'è a Federazioni di u BTP di Corsica Suttana, c'hè abbastanza timori, soprattuttu dopu à l'annati difficiuli in materia di cumandi publichi. Una Federazioni chì aspetta assai di ss'annunzi è di ssa PPI, pà pudè uttena una visibilità à mezu andà, ma dinò rilancià l'impiegu è sfrancassi d'una catastrofa ecunomica.
Steti à senta à François Perrino, u presidenti di a Federazioni di u BTP di Corsica Suttana.
