Sénatoriales en Haute-Corse : un casse-tête pour la majorité municipale bastiaise ?
(A redazzioni d'Alta Frequenza) - S'avvicinani i senaturiali, è u 28 di sittembri, ss'alizzioni sarani animati in Corsica Suprana. Pà un postu solu, ci sò à u minimu quattru candidati, u presidenti di u Cunsighju Generali Joseph Castelli chì pudaria avè a doppia investitura PRG-PS, Pierre Ghionga com'è candidatu indipindenti di a manca, a merri di Borgu Anne Marie Natali ma ùn si sà micca s'ella t'avarà l'investitura di l'UMP è u merri di Lozzi, Jean Félix Acquaviva, pà Femu a Corsica, eppo l'incertezza pà ciò chì tocca a candidatura prubabili malgradu tuttu di u merri di San Martinu di Lota, Jacky Padovani. A cità di Bastia hà da raprisintà un numaru impurtanti di grandi alittori, cù a particularità di una maghjurità municipali cumposta à volta di membri è simpatizanti di Femu a Corsica, d'eletti di manca di tindenza più o menu prugressista, è d'eletti di diritta di listessa tindenza. Ci sarà una libertà di muvimentu pà ss'alizzioni nentru à a maghjurità bastiaccia ?
Steti à senta à Gilles Simeoni, merri di Bastia chì hè dinò unu di i leaders di Femu a Corsica.
