Services à la personne : un secteur en plein développement, selon l'INSEE de Corse
(A redazzioni d'Alta Frequenza) - I servizii di l'INSEE, in cullaburazioni cù a Direccte è a CTC, ani prisintatu stamani (ghjovi) un studiu rilativu à i servizii à a parsona. S'è in Corsica issi servizii quì sò in crescita piena dipoi u 2005, fermani sempri belli luntani da ciò ch'omu cunnosci in altrò, 5% di l'alloghji ghjuvendu si ni in Corsica contru à 11% à u nivellu naziunali. Bisogna à rammintà chì i servizii à a parsona pighjani in contu numarosi attività, si pensa subbitu à l' A.D.M.R ind'u rurali, ma và ancu aldilà di l'aiutu à a parsona anziana. 21 funzioni sò in fatti cunsidarati com'è aiutu à a parsona: và da a simplici pulizia à a guardia di i zitelli, o ancu à l'arricata di i corsi. Ci voli à sapè chì iss'impiechi quì, feminili soprattuttu, toccani pocu à i ghjovani; in fatti vistu i pochi ori di fatti, 11 in mezana à settimana in Corsica, sò piuttostu un rivinutu in più cà una paga vera. Ci voli à sapè chì iss'impiechi quì toccani quantunqua à più di 8100 parsoni in Corsica.
Ecoutons Alain Tempier directeur régional de l'INSEE
Sur le même sujet
