Services de la Banque Postale d'Ajaccio délocalisés sur le continent: les personnels mobilisés
(A redazzioni d'Alta Frequenza) - Mubilisazioni nova di i parsunali di u centru finanziariu di La Poste d'Aiacciu ssu marcuri da mani pà una cunfarenza di stampa di u STC, di a CGT è di a CFDT. Dipoi parechji mesi, s'alzani contr'à un prughjettu chì si chjama "Excello", chì a direzzioni di a Banca Pustali voli metta in ballu à u nivellu naziunali. Pà mutualizà di più, ssu prughjettu privedi di trasferiscia in cuntinenti parechji servizi resi à a pupulazioni lucali, com'è i riclamazioni, l'affari micca pagati, i scuparti, l'uparazioni ghjuridichi, i successioni è i servizi pruduzzioni, vali à dì u trattamentu di i scecchi è di i lettari. Decini d'impieghi pudariani essa cacciati dinò sicondu i sindicati dopu a missa in opara di ssu prughjettu. Malgradu u fattu chì nisun risposta pusitiva sighi stata arricata da i so ierarchii, i parsunali fermani mubilizati, com'ellu a ci spiega Christophe Chrétien pà i trè urganisazioni sindicali.
U stemi à senta.
Sur le même sujet
