Si n'hè andatu Petru Mari
(A ridazzioni d'Alta Frequenza) - Incù monda tristizia, avemu imparatu issa duminica ch’iddu si n’hè andatu Petru Mari, u nosciu cullega è amicu. Omu di radiò, ghjurnalistu è passiunatu da ciò chì lia i paesa llu Tarraniu, Petru Mari era l’omu di tanti arti è sapè. Ma a so passioni maestra, era quidda di a lingua è di a cultura corsa. Una passioni chì li daghjia issu garbu senza para par aprudà la. Cù u so estru ghjucosu, Petru Mari sapia fà rida o rifletta, in lingua noscia, in i so famosi cronichi, chì no’avemu spartutu cù piaceri dapoi u 2017. Tutta a squadra d’Alta Friquenza prisenta i so dulianza à famidda è amichi, è sparti u so dulori. Riposa in paci, o Pè !
Sur le même sujet
