Si n'hè andatu Santu Casta...
(A redazzioni d'Alta Frequenza) - Unu di l’attori maestri di u Riacquistu, Santu Casta, hè mortu ssu marti à 73 anni. Insignanti inde l’Educazioni naziunali, avia fattu parechji opari literarii ma dinò pedagogichi pà l’insignamentu di a lingua corsa. Spicialistu di linguistica è di sintassa, ssu pueta, nuvellistu è scrittori di rumanzi hà publicatu par asempiu i so scritti ind’a rivista literaria Rigiru, in l’anni 1970.
