Signature d'une convention-cadre entre le SAMU et le SDIS 2A
(A redazzioni d'Alta Frequenza) - Una cunvenzioni hè stata firmata arimani (ghjovi) trà u SAMU è u SDIS di Corsica Suttana. Pà u publicu, u SAMU è i spignifochi, hè listessa, soprattuttu pà ciò chì tocca i succorsi à a parsona. Ancu s'elli viaghjani sottu a direzzioni di un numaru unicu, u 15, ci voli à sapè ch'ellu si tratta di dui servizi bè sfarenti : unu dipendi di l'uspidali d'Aiacciu è l'altru di u Centru Dipartimintali d'Incendiu è di Succorsi di Corsica Suttana, è dunqua cù bughjetti diffarenti. Ssa cunvenzioni rimpiazza i ducumenti di prima è t'hà com'è scopu di metta in avanti, è in armunia parfetta cù i reguli, u funziunamentu è di l'unu è di l'altru.
Steti à senta à Jean Paul Houlier, u direttori di l'uspidali d'Aiacciu.
