Signature du dernier avenant du contrat urbain de cohésion sociale d'Ajaccio
(A redazzioni d'Alta Frequenza) - U prifettu di Corsica, Patrick Strzoda, è u merri d'Aiacciu, Simon Renucci, ani firmatu issu luni l'ultima parti di u cuntrattu urbanu di cuesioni suciali d'Aiacciu, chjamatu dinò CUCS, cunsidaratu com'è u dispusitivu cintrali di a pulitica di a cità. Issu cuntrattu, firmatu in u 2007 pà 3 anni è prulungatu fin'è dicembri di u 2013, parmetti cù soldi di a cità è di u Statu di sustena azzioni d'inserzioni suciali è prufessiunali ind'i zoni urbani in difficultà, pà riducia l'inugualità trà di i tarritorii. U CUCS d'Aiacciu tocca guasgi 19 000 abitanti chì stani inde parechji quartieri ind'un ordini di priurità: Canni-Salini è Jardins de l'Empereur, San Ghjuvà/Loretu, Petralba/Budiccioni/A Mandarina, eppo u Vazziu, Mezavia è u settori Citadella/Viletta. Cù una participazioni di a cità pà più di 775 000 auri, è di 490 000 auri di u Statu, issu cuntrattu parmetti di finanzià più di 70 azzioni. Un'ultima parti chì ghjunghji nanzi è chì appronta a missa in piazza di a riforma di a pulitica di a cità; un prughjettu di legi hè aspittatu pà iss'istati d'altrondi.
Ecoutez le préfet de Corse, Patrick Strzoda.
Sur le même sujet
