Situation de la Corse : Femu a Corsica interpelle les candidats à la présidentielle
(A redazzioni d'Alta Frequenza) - Sabbatu, Femu a Corsica tinia una cunfarenza di stampa in Aiacciu, da fà cunnoscia a so analisi di a situazioni pulitica di l'isula, à a vigilia di l'alizzioni prisidinziali. Una Corsica veramenti assenti da issu dibattitu, chì campa una situazioni chì inchieta particularmenti à u nivellu ecunomicu, suciali, culturali è sucitali, à parè di u gruppu naziunalistu. Femu a Corsica lampa una chjama à a risposta à i candidati à a prisidinziali, nant’à trè duminii belli precisi, via lettara : a ricunniscenza di u populu corsu, a missu in ballu di una riforma custituziunali nant’à a quistioni fiscali, fundaria è linguistica, eppo a difinizioni di una vera suluzioni pulitica pà l’isula, inghjiru à un accordu largu. Una pusizioni chjara è micca risposti apprussimativi, eccu ciò chì aspetta Femu a Corsica, da spirà chì a Corsica « pighjarà infini a strada di a paci è di l’emancipazioni », com’è a ci dici Ghjuvan Cristofanu Angelini.
Écoutez Jean-Christophe Angelini.
Sur le même sujet
