Situation économique de la Corse : entre espoirs et inquiétudes
(A redazzioni d'Alta Frequenza) - I novi misuri à prò di l'impiecu è di a furmazioni prufessiunali sò stati prisintati issu dopu meziornu (ghjovi) in prifettura di Corsica. Si tratta di u dispusitivu ritinutu da u guvernu dopu à l'adunita di crisi chì s'hè fatta calchì simana fà, ciò ch'omu hà chjamatu u "sommet social". Aldilà di issi misuri, nant'à i quali vultaremi cù u direttori righjunali di Pôle Emploi, ci semi intarissati à a situazioni ecunomica di a Corsica, una situazioni ditaghjata largamenti è cumintata da u prifettu di Corsica. U bilanciu di u 2011 hè statu prisintatu piuttostu com'è purtadori di suddisfazioni parchì chì ùn s'hè censatu nisunu scartu maiò inde l'attività; i riintrati di TVA sò crisciuti di 7%, com'è u pruduttu di l'impositu nant'à i sucità. A prova, i sciffri d'affari sò crisciuti in mezana di 5% è fin'è 8% inde u BTP. È s'hè custatatu menu svianzi d'intrapresi chè l'annu prima. Eppuru, iss'attività ùn hà micca parmissu di sradicà a prugressioni di u disimpiecu; nant'à un annu, quissu quì hè crisciutu di 6,5%; si trapassa oramai i 15 000 parsoni à dumandà un impiecu.
Présentation d'une situation économique contrastée avec Patrick Strozda, préfet de Corse.
Sur le même sujet
