Situation politique de la Corse: les lycéens se mobilisent
(A redazzioni d'Alta Frequenza) - I liceani di tutti i stabilimenti di Corsica sò mubilizati dipoi ssu marcuri, à fiancu à u sindicatu Ghjuventù Indipendentista, pà fà cunnoscia a so scuntintezza di pettu à a situazioni pulitica attuali di l'isula. Facini ricullà u so timori pà ciò chì tocca l'annunzii di u guvernu cuncirnendu a lingua corsa, u statutu di residenti ma dinò è soprattuttu dopu à a dicisioni di u Cunsighju custituziunali chì hà cinsuratu torna una volta u dispusitivu d'esunerazioni di i diritti di successioni. I licei sò stati bluccati stamani ; in Aiacciu, parechji centinai di ghjovani si sò aduniti davanti a prifittura di Corsica, blucchendu a circulazioni, brusgiendu rumenzuli è usendu fumigeni. I spignifochi è i forzi di l'ordini sò andati sopralocu. Ssi ghjovani, sustinuti da Corsica Libera ind'a so dimarchja, dumandani un ascoltu da a parti di i rispunsevuli i più alti di u paesi, è ùn volini micca, d'appressu i parolli di parechji prutagunisti, "lacà si marchja à dossu", fendu sapè a techja di "una ghjuventù cundannata à a miseria o à l'esiliu".
Steti à senta à Jean Paul Zani, liceanu aiaccinu chì faci parti di u sindicatu Ghjuventù Indipendentista.
Sur le même sujet
