SNCM à 1 euro : le sentiment de la confédération générale des cadres
(A redazzioni d'Alta Frequenza) - Hè sempri u grandi bisbigliu, in tutti i casi pà u grandi publicu, pà ciò chì tocca à l’avvena di i trasporti maritimi trà a Corsica è u cuntinenti. Ci vularà ad aspittà u dibattitu di a fini di marzu pà sapè chì sarani i pruposti cuncreti è pricisi di l’uffiziu di i trasporti in materia di serviziu è chì sarà a riazzioni di i sfarenti cumpagnii di pettu à l’ufferta nova. A ghjurnata d’arimani, è u famosu colpu mediaticu di a SNCM, senza arricà qualsiasi puntu chjaru, hà cuntribuitu piuttostu, à fà nascia u cumbugliu. Parechji si sò cappiati pà cundannà una pruposta scema, d’altri ani ghjudicatu chì un Auru ùn era micca caru è chì ci vulia à saltà nant’à l’uccasioni, d’altri dinò ani cundannatu pratichi pulitico finanziarii pocu degni. A cunfederazioni ghjinirali di i quadri, chì raprisintava arimani l’azziunarii salariati di a SNCM, era prisenti duranti l’audizioni. Sicondu Maurice Perrin, a vendita di a SNCM ùn hè micca d’attualità, ma a pussibilità di criazioni di una cumpagnia righjunali devi essa trattata senza svianza.
Écoutez Maurice Perrin, délégué syndical représentant la confédération générale des cadres.
