SNCM: dura lex, sed lex
(A redazzioni d'Alta Frequenza) - U cartulari di u bughjettu, si sà, sarà u cartulari maiò studiatu da l'assemblea di Corsica à partasi di dumani matina (vennari). Eppuru, à l'uccasioni di l'apartura di a seenza stamani, pà i quistioni urali, ssu cartulari hè spuntatu dighjà. Nanzi à l'asamini d'OSP novi, è què dopu à l'annulazioni da u Tribunali Amministrativu di quilli scorsi, parechji cunsighjeri tarrituriali ani vulsutu avè calchì pricisioni stamani. Michel Stefani, prima, pà u gruppu cumunistu, hà intarrugatu l'esecutivu nant'à a dumanda di rimbursamentu da a cumissioni aurupea di i suvvenzioni virsati à a cumpagnia, i famosi 440 millioni d'auri rammintemu la. Paul Marie Bartoli, u presidenti di l'Uffiziu di i Trasporti, hà ghjudicatu ssa dumanda aurupea qualifichendu ancu quissa quì di misura ultraliberalista. À un'antra dumanda posta da Jean Baptiste Luccioni, pà Corse Social Démocrate, "ci ni surtaremi o micca", Paul Giacobbi hè statu più cà chjaru. Dura lex, sed lex, eccu u sensu di a so risposta.
Stemu lu à senta.
Sur le même sujet
