SNCM : la révolution de velours
(A redazzioni d'Alta Frequenza) - A SNCM hà cunnisciutu oghji (marti) forsa u cambiamentu u più impurtanti di a so storia. In fatti, stamani in Marseghja Marc Dufour, u PDG di a cumpagnia hè bè annunziatu a vulintà di ritiru di u capitali di Veolia transports. Ùn hà micca schisatu dinò a pussibilità d'urganisazioni di una sucità d'ecunumia mista distinata à assuma u prulungà di a cumpagnia. Eppuru u PDG hà bè insistutu nant'à u mantinimentu di a situazioni difinita da u pianu di ricullata è di ritornu à l'equilibriu. Issu pianu, hè nant'à a bona strada, hà dittu iss'ultimu, è duvaria parmetta à a SNCM di impustà si bè à l'uccasioni di a nova chjama à l'ufferta. Cù u ritiru prugressivu di Veolia , a cascia di i dipositi avaria dicisu, sicondu ellu, d'impegnà si di più inde a sucità. Cù i dichjarazioni ricenti fatti à l'Uffiziu di i Trasporti chì ùn scantaria più oghji a pussibilità di criazioni di una sucità d'ecunumia mista, pari chì un ghjocu puliticu assai finu si passessi inghjiru à a cumpagnia ditta storica. Fà a rivuluzioni senza chì què parissi troppu rivuluziunariu, pari bè essa u metudu utilizatu da i dui canti di u Mediterraniu, ma u STC, u sindicatu maghjuritariu à a SNCM ùn voli micca casticà si cù tutta issa prublematica.
Écoutons Alain Mosconi
Sur le même sujet
