SNCM: le STC dénonce la suppression de plus de cent emplois en Corse
SNCM: le STC dénonce la suppression de plus de cent emplois en Corse
(A redazzioni d'Alta Frequenza) - "Quantu CDD chì stani in Corsica ùn vidarani micca u so cuntrattu rinnuvatu è/o cù una rumpitura cunvenziunali è què, dopu à l'appiecazioni di u Pattu Suciali firmatu da a Direzzioni è certi urganisazioni sindicali?" Eccu a dumanda più cà chjara è cumpletta posta à a fin di u mesi scorsu da u STC di i marinari à u presidenti di a SNCM, pà ciò chì tocca l'avvena di l'impiechi di i residenti corsi ind'a cumpagnia, dopu à a firmatura di u pattu suciali trà i sindicati è a direzzioni ghjinirali di a SNCM. U 13 di farraghju scorsu, u sindicatu naziunalistu hà ricivutu una risposta scritta di Marc Dufour, ghjudichendu ssa quistioni "choquante" nant'à a forma, lachendu pinsà chì "solu a sorti di i marinari isulani v'intaressa", mentri chì nant'à u fondu "i marinari in CDD chì stani in Corsica sarani tocchi di manera prupurziunali à u so pesu inde l'impiecu di a cumpagnia, vali à dì à pocu pressu un terzu". Una risposta chì, di sicuru, ùn piaci micca à u STC, pà quali a lotta à prò di a cursisazioni di l'impiechi ferma unu di i so fundamenti, è chì annunzia da u so cantu chì 100 impiechi in Corsica marinari è quilli chì ùn viaghjani micca sarani cacciati. U sindicatu, una dilegazioni hè stata ricivuta ssu ghjovi da mani in Aiacciu da un raprisintanti di l'Esecutivu di Corsica, annunzia ch'ellu s'hà da batta fin'è a fini, è parla di un mutivu in più pà dumandà più cà mai à tutti i patti a nascita di una cumpagnia righjunali publica.
Steti à senta à Alanu Mosconi, pà u STC di i marinari di a SNCM.
Sur le même sujet
