SNCM : Le STC des marins est défavorable à la grève et s'en prend aux élus de la région PACA
(A redazzioni d'Alta Frequenza) - Duranti una cunfarenza di stampa ssu marti, u STC di marinari hà vulsutu riagiscia nant'à parechji sughjetti. Prima, li pari chì u pianu prisintatu in fin di settimana scorsa da a direzzioni di a SNCM sighi dubbitosu, à volta nant'à a quistioni di l'impiecu è frà altru di a bughjettisazioni di i partenzi vulintari, ma dinò pà ciò chì tocca u rinnovu di i battelli, chì ùn accadarà micca in furia à parè soiu. Nant'à u preavisu di greva di 24 ori chì pò essa rinnuvatu postu da a CGT pà a vigilia di u Ghjiru di Francia, attaccà si ancu di manera micca diretta à ssa prova spurtiva cacciaria propiu a mutivazioni di l'eletti corsi pà ciò chì tocca a SNCM sicondu u STC. Un sindicatu chì pruponi altri mezi d'azzioni, frà altru ind'u rughjoni PACA, pà metta l'eletti di ssu rughjoni davanti i so rispunsabilità, chì par elli prifiriscini largamenti i parolli à l'atti. Tuttu què nant'à una cumpagnia chì, sempri sicondu u STC, hà arricatu assai soldi à ssu rughjoni, forsa ancu di più cà in Corsica, rughjoni chì sarà cuncirnatu a maiò parti da i partenzi vulintari.
On écoute Alain Mosconi, pour le STC des marins
Sur le même sujet
