SNCM: le STC ne prendra pas part à la grève
(A redazzioni d'Alta Frequenza) - Hè dumani (marti), ghjornu di a San Ghjuvà, ch’ellu pighjarà effettu u preavisu di greva lanciatu da i sindicati di a SNCM, è ùn si sà ancu s’è ssa data accindarà u focu ind’u mondu puliticu è ecunomicu di l’isula. L’ultima riunioni di u direttoriu di a cumpagnia, urganizata vennari scorsu è chì hà furmalizatu a presa di funzioni di u novu patroni, ùn hà micca arricatu daveru elementi novi. Ind’un’intervista longa data à a stampa lucali, Olivier Diehl hà prisintatu solu calchì pussibilità di riflissioni : a liquidazioni ùn hè micca à u prugramma, cumprà battelli novi ùn hè più una priurità, azziunari sò intarissati ma inchieti di pettu à i dicisioni aurupei, u cuntrattu di cunfidenza cù a Corsica devi essa rispittatu à u più. In ssu cuntestu chì evulueghja assai, ver di u pusitivu com’è ver di u negativu, a greva chì principia dumani hè d’appressu à u novu patroni a peghju di i suluzioni. In tutti i casi, in Corsica crescini u timori è a collera, ancu s’è par avà u vucabulariu ferma sempri currettu. Dipoi un pezzu, u STC hà dicisu d’ùn participà micca à ssi ghjurnati di cuntistazioni è di rivindicazioni. U rollu di un sindicatu d’appressu à ellu ùn hè micca di criticà è di cundannà un antru sindicatu ; u prublema hè in altrò sicondu ellu.
Steti à senta à Alanu Mosconi.
Sur le même sujet
