SNCM : le STC vote la reprise du travail
(A redazzioni d'Alta Frequenza) - U STC di a SNCM hà vutatu à l'unanimità a ripresa di u travaghju, dopu à u scontru cù u presidenti di u cunsighju esecutivu Paul Giacobbi. Dopu à un'assemblea ghjinirali di i marinari, u sindicatu hà dunqua dittu di sì à u testu chì privedi, d'appressu à Alanu Mosconi, chì "a CTC s'ingaghjessi à ripighjà i 4 battelli di cuntinuità tarrituriali, s'è a SNCM ùn duvia più campà". L'impiechi sariani, di colpu, mantinuti. Sempri sicondu Alanu Mosconi, si pudaria andà ver di una "righjunalisazioni di a cumpagnia". Una porta aparta nant'à i rivindicazioni sindicali chì parmetti dunqua una ripresa di l'attività marittima di a cumpagnia.
Sur le même sujet
