SNCM : les idées du camp nationaliste ont fait leur petit bout de chemin
(A redazzioni d'Alta Frequenza) - Si hè parlatu dinò di trasporti à l'uccasioni di l'ultima sissioni di l'annu di l'Assemblea di Corsica parchì si pò dì chì ci hè da chì travaghjà. Si sà oramai, Marc Dufour hà bè annunziatu a vulintà di ritiru prugressivu di u capitali di Veolia transports. Si farà nant'à trè anni, è sicondu ellu l'affari intaressa assai à a cascia di i dipositi. Hè impurtanti di dì chì iss'infurmazioni ùn hè ancu cunfirmata par avà di modu ufficiali, parchì cuncirnendu i dichjarazioni di Marc Dufour, si cerca à fà casu. Ùn hà micca schisatu dinò a pussibilità di criazioni di una sucità d'ecunumia mista, una criazioni chì sicondu à Paulu Maria Bortoli ùn disturba micca vistu u statu attuali di u cartulari. Eppuru, ciò chì era cunsidaratu pocu fà com'è fendu parti di l'accumpulera di l'utupia di u cantu naziunalistu hà fattu a so strada à pian pianinu, ciò chì cunveni piuttostu à Ghjuvan Cristofanu Angelini, pà Femu a Corsica.
Écoutez le
Sur le même sujet
