SNCM : les inquiétudes d'Antoine Orsini
(A redazzioni d'Alta Frequenza) - Nova sissioni di l'Assemblea di Corsica dipoi stamani (ghjovi) è què pà dui ghjorni. Mentri chì raporti impurtanti com'ellu quillu di u bughjettu supplementariu di a CTC o ancu a criazioni di l'Uffiziu Fundariu di Corsica sarani asaminati à partasi di dopu meziornu, è prima à a visita dumani in Aiacciu di Marylise Lebranchu, a tradiziunali seenza di i quistioni urali hè stata urganizata stamani. À u prugramma soprattuttu, sfarenti quistioni rilativi à u cunflittu di a SNCM chì s'hè compiu chì hè pocu è di manera più glubali annant'à a prublematica di i trasporti marittimi. Prima dumanda, quilla posta da u gruppu Corse Social Démocrate cù Antoine Orsini. Inchietu di pettu à i cunsiquenzi di ssa greva annant'à l'attori ecunomichi isulani è annant'à a perdita pà a Corsica di a so maghjina, eppo assai scuntentu di comu s'hè passatu u cunflittu è com'ellu hè statu gistitu da u Statu, Antoine Orsini vulia cunnoscia a pusizioni di l'Esecutivu annant'à tutti ss'aspetti è sapè chì misuri pudariani essa missi in opara par chì a Dilegazioni di Serviziu Publicu ùn sighi più disturbata.
Steti à senta u cunsighjeru tarrituriali Corse Social Démocrate.
Sur le même sujet
