SNCM: levée de bouclier de Michel Stefani
(A redazzioni d'Alta Frequenza) - Assemblea di Corsica è nova sissioni oghji (ghjovi). Dui ghjorni di dibattiti cù par asempiu in discussioni u famosu raportu annant'à a prutezzioni di u patrimoniu fundariu cù u dinò famosu statutu di residenti. Prima di què, un antru cartulari hè statu l'ughjettu di una quistioni urali : quillu di a SNCM. Pà Michel Stefani, dipoi l'attribuzioni di a DSP à u gruppu SNCM/CMN, "ùn c'hè nisun ghjornu senza chì ssa scelta sighi rimissa in causa". L'elettu vulia ch'ellu sighi securizatu "l'azziunariatu di a SNCM" è di guarantiscia u pianu industriali à longu andà è a cumanda à cortu andà di 4 battelli. Una presa di parolla cù a forza pà Michel Stefani pà difenda ssa cumpagnia.
Steti à senta l'elettu cumunistu.
Sur le même sujet
