SNCM : réponse du Secrétaire d’État aux Transports à Paul Giacobbi
(A redazzioni d'Alta Frequenza) - Paul Giacobbi hè statu in prima ligna ssu marti à l'Assemblea naziunali, induv'ellu hà postu dui dumandi impurtantissimi pà l'avvena di a Corsica. A prima, posta stamani, cuncirnava a Xylella Fastidiosa chì ùn pianta più di fà cullà l'inchietudini inde l'isula, è micca solu ind'i mezi agriculi (veda altrò). L'altra dumanda di Paul Giacobbi era annant'à l'avvena di a SNCM è annant'à a dicisioni chì sarà presa u 27 di maghju in Marseghja da u tribunali di cummerciu. Paul Giacobbi s'inchieta di sanzioni pussibuli chì pudariani pisà annant'à a CTC pà ciò chì tocca st'affari quì. Hà rigrittatu i risposti "lambiccati" di u Statu è hà postu dui dumandi assai pricisi. Alain Vidalies hè statu assai chjaru : nisun timori di sanzioni pesa annant'à a CTC è a scelta da u tribunali di cummerciu di Marseghja di un pruprietariu novu hè pussibuli.
Steti à senta à Alain Vidalies, u Secretariu di Statu in carica di i Trasporti.
