SNCM : trésorerie à sec en janvier, conflit à prévoir selon Frédéric Alpozzo
(A redazzioni d'Alta Frequenza) - Ssa dumenica, Frédéric Alpozzo hà participatu à un dibattitu annant’à l’avvena di a SNCM urganizatu in Bastia pà i ghjurnati di Terre Corse, ghjurnali di a sizzioni corsa di u Partitu Cumunistu. S’elli ci pudariani essa azzioni in carrughju, in Corsica, pà u 18 o u 19 di dicembri à l’iniziativa di militanti prisenti, l’avvena di a SNCM s’annigrisci sempri di più postu chì a fin di ghjinnaghju, a tisuraria di a cumpagnia duvaria essa à zeru, ciò chì mandaria a cumpagnia di manera difinitiva à caternu. U dilegatu sindicali CGT di a cumpagnia priveni. Ùn sarà micca fatta di cori, ma ci duvaria essa un cunflittu simuli à quillu di a statina à ssu mumentu quì. U preavisu hè statu postu, d’appressu à ellu, da l’azziunarii di a cumpagnia, u Statu u prima. Frédéric Alpozzo metti in avanti dinò a rispunsabilità maiò, sicondu ellu, di Marc Dufour, chì hà fattu trafalà in furia a cumpagnia duranti u so passaghju, com’è pà Air Littoral chì era statu un fiascu in Corsica duranti l’ultima dicennia.
Steti à senta à Frédéric Alpozzo.
