SNCM Tribunal de Commerce : TRANSDEV déboutée !
(A redazzioni d'Alta Frequenza) - L'avucati di a SNCM facini cunnoscia a dicisioni resa da u tribunali di cumerciu di Marseghja dopu à a dumanda posta da Transdev. A ghjustizia hà datu tortu à Transdev pà ciò chì tocca "a so dumanda di ghjirà si ver di a ghjustizia pà cunvucà un'assemblea ghjinirali pà rinvià à Gérard Couturier, u presidenti di u cunsighju di survighjenza". Sempri in ssu cumunicatu, l'avucati dicini chì "u tribunali di cumerciu cunsidareghja chì Transdev ùn ghjustificheghja micca di un prublema o di un preghjudiziu chì a so dumanda faria piantà. Ghjudicheghja da un'antra banda chì a SNCM viaghja ind'u rispettu di i so reguli statutarii". Aghjusta chì "Gérard Couturier, spicchendu si da l'azziunariu maghjuritariu, hè cunfurtatu ind'a so scleta di difenda l'intaressu suciali di a cumpagnia è a missa in opara di u so pianu di ridirizzamentu chì Transdev avia accittatu".
Sur le même sujet
