SNCM : vraie éclaircie à l'horizon ou non ?
(A redazzioni d'Alta Frequenza) - Com'è una rundinella ùn faci micca u veranu, mancu una schjarita farà u bellu tempu ind'u celu scuru di a SNCM. Hè vera, una lettara di a Cumissioni aurupea annunzia un fracassu maiò, a sparizioni di i cundanni contr'à a cumpagnia marittima. A Cumissioni hà dicisu in fatti di ùn dumandà micca i 440 millioni d'auri d'aiuti publichi chì, d'appressu à ella, ùn duviani micca essa stati tocchi. Ùn c'hè bisognu à fà torna un discorsu longu annant'à tutti ssi soldi chì ani nutritu tutti i discussioni à l'assemblea di Corsica, eppo nentru à l'istanzi dirighjenti di a cumpagnia marittima. I candidati à a ripresa di a SNCM, trè dichjarati oghji, si sà, ani missu in cori à i so primuri ssu famosu debbitu ; ùn c'hè chè a sparizioni di quissu quì chì pudaria parmetta un veru impegnu. Eppuru, sguassà ssi 440 millioni, ùn si tratta micca pà daveru di un rigalu di a Cumissioni aurupea. Ssa dicisioni hè liata à una cundizioni chì pudaria fà nascia a scuntintezza. In fatti, i candidati ùn pudarani micca includa ind'u so capitali a cunvenzioni di a DSP, ciò chì pudaria fà rinculà parechji brami. In più di què, Bruxelles dumanda à u tribunali di cummerciu di Marseghja di prununziassi annant'à l'avvena di a SNCM u più prestu pussibuli. Una vera bona nutizia o una vittoria micca riali ?
Steti à senta à Michel Stefani, pà u gruppu Cumunisti è Citadini di u Fronti di Manca à l'assemblea di Corsica.
Sur le même sujet
