Social : la lutte des classes n'est pas vraiment morte
(A redazzioni d'Alta Frequenza) - A lotta di i classi ùn hè micca morta pà daveru! Eccu ciò chì spunta dopu un sundami rializatu pà France Info è Le Parisien à a vigilia di u 1a di maghju. À contratempu cù ciò ch’elli diffuseghjani spessu i media, ssa visioni di u mondu ùn hè micca trapassata è intaressa torna 70% di i francesi, 69% di manera più pricisa. Meza surpresa pà ssu sundami, i citadini i più intarissati da a lotta di i classi sò i simpatizanti di manca di sicuru, ma dinò quilli di u Front national. Surpresa inveci pà a manca, è ancu pà i sindicati, ùn sariani più in fasa cù i salariati è què pà i trè quarti di quilli chì ani rispostu à u sundami. Pò spiegà podassi a mubilisazioni micca abbastanza impurtanti duranti i manifistazioni di ss’ultimi ghjorni contr’à a legi « Travaghju ». Ci hè una spiegazioni ?
Eccu quilla di Jacques Casamarta, militanti di manca di sempri.
