Société Publique Locale Ametarra : les inquiétudes de l'opposition municipale ajaccienne
(A redazzioni d'Alta Frequenza) - A Sucità Publica Lucali "Ametarra", criata calchì ghjornu fà, validata da un votu unanimu in a CAPA è appena menu unanimu in a Cità d'Aiacciu, hè oramai lanciata. Ssa sucità, à capitali solu publichi ma di dirittu privatu, t'hà com'è scopu, ramintemula, di lancià annant'à u tarritoriu aiaccinu grandi travaghji strutturanti è nicissarii à tutta a cumunità. S'ellu c'hè statu nisun prublema in a CAPA pà acquistà un votu unanimu, ùn hè micca statu u casu in u cunsighju municipali d'Aiacciu induv'ellu c'hè statu un dibattitu ingaghjatu. L'uppusizioni, in fatti, hà dicisu di "fighjulà da vicinu" u pianu d'affari, u famosu "business plan" è ci hà trovu parechji sughjetti d'inchietudini. In fatti, 60% di ssa sucità sarani tinuti da a Cità d'Aiacciu è i 40% chì fermani da a CAPA. Prublema, ed hè l'inchietudini di Paul Antoine Luciani : cosa ani da divintà i servizi tennichi di a cità, è i so 23 inginiori, ind'u novu business plan ? A Cità devi tena a maestria d'opara annant'à tutti i futuri prughjetti maiò, o devi cunfidà à cabineti di fora l'elaburazioni par asempiu di u PLU pà 30 000 auri, o ancu u pianu di spiazzamentu urbanu pà 30 000 auri torna ? Ottu voti di l'uppusizioni annant'à deci ùn ani micca vutatu pà ssu "bellu arnesi", è Paul Antoine Luciani ci spiega i raghjoni di ss'affari quì.
U stemi à senta.
Sur le même sujet
