St Antoine: de la décharge au vallon
(A redazzioni d'Alta Frequenza) - Trasfurmà una muntagna di rumenzuli - senza ghjocu di parolli - ind'una valli virdicanti! Hè a scumessa appena scema lanciata più di deci anni fà da a Cità d'Aiacciu. Tutti quilli chì s'arricordani, è ùn hè cusì luntanu, di l'urrori visuali di u ruminzulaghju di Sant'Antone, fumi è udori puzzulenti chì falavani fin'è u centru di a cità una volta chì spuntava a notti, poni custatà oghji tutta a strada chì hè stata fatta dipoi più di deci anni. Parchì a strada hè stata longa è difficiuli pà fà spariscia ssu veru sunniacciu, un millioni è mezu di tunnellati, chì hà avvilinatu a vita di l'aiaccini duranti dicennii. Hè vera chì ùn hè più u Buschettu di tandu - piaciarà à l'anziani - ma a vita hè cambiata veradimenti inde tutta ssa parti di a cità.
Steti à senta à Etienne Ferrandi, chì s'occupa di ssu cartulari à a CAPA.
Sur le même sujet
