Stade Armand-Cesari : la CAB campe sur ses positions
(A redazzioni d'Alta Frequenza) - Novu episodiu ind'a longa seria di u Stadiu Armand-Cesari cù a risposta stamani (marti) di a Cumunità d'Agglumerazioni di Bastia à a cunfarenza di stampa di u Sporting Club di Bastia a settimana scorsa. Ùn ci hè nienti di novu postu chì a CAB ferma nant'à ciò ch'ella avia dittu prima, vali à dì u ricusu di un affittu enfiteoticu o di una cunvenzioni d'accupazioni parmittendu à a squadra di fà travaghji ind'u stadiu. Ricusu dinò d'andà aldilà di 12 anni ind'u quadru di una cunvenzioni duva a CAB si dici malgradu tuttu aparta à u dialogu da fà chì a squadra pudissi rializà calchì accunciamentu da par ella, ma sempri in cullaburazioni cù a CAB. Dici dinò ch'ella rializarà i missi à i normi chì sarani nicissarii à pocu à pocu. Infini, Emile Zuccarelli hà dinunziatu pà contu soiu nant'à issu cartulari una "récupération politique", è "mughji d'animali" di i sustenidori contr'à ellu duranti l'ultimu scontru.
On écoute le président de la CAB, Emile Zuccarelli
Sur le même sujet
