Stade Armand-Cesari : un accord trouvé entre la CAB et le SC Bastia
(A redazzioni d'Alta Frequenza) - Ssu luni, pà un ultimu cunsighju cumunitariu di l’annata assai carcu pà l’eletti di a Cumunità d’Agglumerazioni di Bastia, hè statu amintatu è validatu un affari sempiternu di ss’ultimi anni, vali à dì u cartulari di a cunvenzioni d’occupazioni di u Stadiu Armand Cesari da u SC Bastia. In fatti, dopu à discussioni assai longhi trà a CAB è u Sporting, un accordu hè statu trovu è hà fattu nascia l’accunsentu, fora di l’uppusizioni chì ùn hà micca vulsutu dà u so parè. Ss’accordu s’arremba à una cunvenzioni di cinqui anni chì pò essa rinnuvata dui volti, è articulata inghjiru à dui parti virsati à a CAB chì s’occuparà di l’intrattenu di u stadiu. Una parti fissa, di 350 000 auri à l’annu, è 78 000 auri in più pà metta à dispusizioni lucali amministrativi di u club, è una parti chì pò cambià, à volta arrimbata à ssu sciffru di 50 centimi par sustenidori accoltu duranti ogni scontru di tutti i cumpetizioni, è una somma ditarminata da a situazioni spurtiva di u club. S’è pà a maghjurità, ss’accordu hè bonu pà tuttu u mondu, l’uppusizioni hà fattu una critica putenti, amintendu una mancanza di benefiziu è l’influenza di certi membri di a maghjurità, Gilles Simeoni u primu, chì avariani, sempri d’appressu à l’uppusizioni, purtatu u club à ricusà una cunvenzioni chì infini era guasgi simuli dui anni fà mentri chì i rolli pulitichi erani sfarenti.
Steti à senta à Gilles Simeoni, u merri di Bastia è u vici presidenti di a CAB in carica di i sports.
Sur le même sujet
